Day 1 — Mizmor Tet ט

ENGLISH

Mizmor Tet ט

LISTEN

לַמְנַצֵּחַ, עַל-מוּת לַבֵּן; מִזְמוֹר לְדָוִד
אוֹדֶה יְהוָה, בְּכָל-לִבִּי; אֲסַפְּרָה, כָּל-נִפְלְאוֹתֶיךָ
אֶשְׂמְחָה וְאֶעֶלְצָה בָךְ; אֲזַמְּרָה שִׁמְךָ עֶלְיוֹן
בְּשׁוּב-אוֹיְבַי אָחוֹר; יִכָּשְׁלוּ וְיֹאבְדוּ, מִפָּנֶיךָ
כִּי-עָשִׂיתָ, מִשְׁפָּטִי וְדִינִי; יָשַׁבְתָּ לְכִסֵּא, שׁוֹפֵט צֶדֶק
גָּעַרְתָּ גוֹיִם, אִבַּדְתָּ רָשָׁע; שְׁמָם מָחִיתָ, לְעוֹלָם וָעֶד
הָאוֹיֵב, תַּמּוּ חֳרָבוֹת--לָנֶצַח; וְעָרִים נָתַשְׁתָּ--אָבַד זִכְרָם הֵמָּה
וַיהוָה, לְעוֹלָם יֵשֵׁב; כּוֹנֵן לַמִּשְׁפָּט כִּסְאוֹ
וְהוּא, יִשְׁפֹּט-תֵּבֵל בְּצֶדֶק; יָדִין לְאֻמִּים, בְּמֵישָׁרִים
וִיהִי יְהוָה מִשְׂגָּב לַדָּךְ; מִשְׂגָּב, לְעִתּוֹת בַּצָּרָה
וְיִבְטְחוּ בְךָ, יוֹדְעֵי שְׁמֶךָ: כִּי לֹא-עָזַבְתָּ דֹרְשֶׁיךָ יְהוָה
זַמְּרוּ--לַיהוָה, יֹשֵׁב צִיּוֹן; הַגִּידוּ בָעַמִּים, עֲלִילוֹתָיו
כִּי-דֹרֵשׁ דָּמִים, אוֹתָם זָכָר; לֹא-שָׁכַח, צַעֲקַת עניים (עֲנָוִים)
חָנְנֵנִי יְהוָה--רְאֵה עָנְיִי, מִשֹּׂנְאָי; מְרוֹמְמִי, מִשַּׁעֲרֵי מָוֶת
לְמַעַן אֲסַפְּרָה, כָּל-תְּהִלָּתֶיךָ: בְּשַׁעֲרֵי בַת-צִיּוֹן--אָגִילָה, בִּישׁוּעָתֶךָ
טָבְעוּ גוֹיִם, בְּשַׁחַת עָשׂוּ; בְּרֶשֶׁת-זוּ טָמָנוּ, נִלְכְּדָה רַגְלָם
נוֹדַע, יְהוָה--מִשְׁפָּט עָשָׂה: בְּפֹעַל כַּפָּיו, נוֹקֵשׁ רָשָׁע; הִגָּיוֹן סֶלָה
יָשׁוּבוּ רְשָׁעִים לִשְׁאוֹלָה: כָּל-גּוֹיִם, שְׁכֵחֵי אֱלֹהִים
כִּי לֹא לָנֶצַח, יִשָּׁכַח אֶבְיוֹן; תִּקְוַת ענוים (עֲנִיִּים), תֹּאבַד לָעַד
קוּמָה יְהוָה, אַל-יָעֹז אֱנוֹשׁ; יִשָּׁפְטוּ גוֹיִם, עַל-פָּנֶיךָ
שִׁיתָה יְהוָה, מוֹרָה--לָהֶם: יֵדְעוּ גוֹיִם--אֱנוֹשׁ הֵמָּה סֶּלָה

Lam’natzeach, al mut Labben, mizmor l’David.

Odeh Adonay b’khol libbi, asapp’rah kol nifl’oteikha.

Esm’chah v’e‘eltzah vakh, azam’rah shimkha Elyon.

B’shuv oyvay achor, tikkashlu v’yovdu mippaneikha.

Ki asita mishpati v’dini, yashavta l’kisse’ shofet tzedeq.

Ga‘arta goyim, ibbadta rasha‘, sh’mam machita l’olam va‘ed.

Ha-oyev, tammu charavot lanetzach,
ve‘arim natashta, avad zichram hemmah.

Va-Adonay l‘olam yeshev, konen lamishpat kis’o,

v’hu yishpot tevel b’tzedeq, yadin le’ummim b’meysharim.

Vihi Adonay misgav laddakh, misgav l‘ittot batzarah,

v’yivt’chu v’kha yodey sh’mekha, ki lo azavta dorsheykha, Adonay.

Zam’ru l-Adonay yoshev Tsiyyon, haggidu ba‘ammim alilotav,

ki doresh damim otam zachar, lo shakhach tza‘aqat anavim.

Channeni, Adonay, r’eh anyi misonay, m’rommi misha‘arey mavet.

L’ma‘an asapp’rah kol tehillateykha,

b’sha‘arey bat Tsiyyon agilah bishu‘atekha.

Tavu goyim b’shachat asu, b’reshet zu tamanu, nilk’dah raglam.

Noda‘ Adonay mishpat asah, b’fo‘al kappav noqesh rasha‘,

higgayon, selah.

Yashuvu resha‘im lishe’olah, kol goyim sh’kechey Elohim.

Ki lo lanetzach yishakhach evion, tiqvat anayim tovad la‘ad.

Qumah Adonay, al ya‘oz enosh, yishaftu goyim al paneykha.

Shitah Adonay morah lahem, yed‘u goyim enosh hemmah, selah.

Next… Day 2 Mizmor Yod