Day 1 — Mizmor Vav ו

ENGLISH

Mizmor Vav ו

LISTEN

לַמְנַצֵּחַ בִּנְגִינוֹת, עַל-הַשְּׁמִינִית; מִזְמוֹר לְדָוִד
יְהוָה, אַל-בְּאַפְּךָ תוֹכִיחֵנִי; וְאַל-בַּחֲמָתְךָ תְיַסְּרֵנִי
חָנֵּנִי יְהוָה, כִּי אֻמְלַל-אָנִי: רְפָאֵנִי יְהוָה--כִּי נִבְהֲלוּ עֲצָמָי
וְנַפְשִׁי, נִבְהֲלָה מְאֹד; ואת (וְאַתָּה) יְהוָה, עַד-מָתָי
שׁוּבָה יְהוָה, חַלְּצָה נַפְשִׁי; הוֹשִׁיעֵנִי, לְמַעַן חַסְדֶּךָ
כִּי אֵין בַּמָּוֶת זִכְרֶךָ; בִּשְׁאוֹל, מִי יוֹדֶה-לָּךְ
יָגַעְתִּי, בְּאַנְחָתִי--אַשְׂחֶה בְכָל-לַיְלָה, מִטָּתִי; בְּדִמְעָתִי, עַרְשִׂי אַמְסֶה
עָשְׁשָׁה מִכַּעַס עֵינִי; עָתְקָה, בְּכָל-צוֹרְרָי
סוּרוּ מִמֶּנִּי, כָּל-פֹּעֲלֵי אָוֶן: כִּי-שָׁמַע יְהוָה, קוֹל בִּכְיִי
שָׁמַע יְהוָה, תְּחִנָּתִי; יְהוָה, תְּפִלָּתִי יִקָּח
יֵבֹשׁוּ, וְיִבָּהֲלוּ מְאֹד--כָּל-אֹיְבָי; יָשֻׁבוּ, יֵבֹשׁוּ רָגַע

Lam’natzéach bin’ginót, ‘al- hash’minít; mizmór l’Davíd.
’Adonáy, ’al-b’app’khá tokhichéni; v’al-bachamat’khá t’yass’réni.
Chanéni ’Adonáy, ki ’umlál-áni:
r’fa’éni ’Adonáy – ki nivhalú ‘atzamáy.
V’nafshí, nivhaláh m’od; v’attáh ’Adonáy, ‘ad-matáy.
Shuváh ’Adonáy, chal’tzáh nafshí; hoshi‘éni, l’má‘an chas’dékha.
Ki ’eyn bammávet zikhrékha; bish’ól, mi yódeh-lakh.
Yagá‘ti, b’anchatí – ’as’chéh v’khol-láylah, mittatí;
b’dim‘atí, ‘arsí ’amséh.
‘Ash’sháh mikká‘as ‘eyní; ‘at’qáh, b’khol-tsor’ráy.
Súru mimménni, kol-po‘aléy ’áven: ki-shamá‘ ’Adonáy, qol bikhyí.
Shamá‘ ’Adonáy, t’chinnatí; ’Adonáy, t’fillatí yiqqách.
Yevóshu, v’yibbahalú m’od – kol-’oy’váy; yashúvu, yevóshu rága‘.

Next… Mizmor Zayin