Day 1 — Mizmor Zayin ז

ENGLISH

Mizmor Zayin ז

LISTEN

שִׁגָּיוֹן, לְדָוִד: אֲשֶׁר-שָׁר לַיהוָה--עַל-דִּבְרֵי-כוּשׁ, בֶּן-יְמִינִי
יְהוָה אֱלֹהַי, בְּךָ חָסִיתִי; הוֹשִׁיעֵנִי מִכָּל-רֹדְפַי, וְהַצִּילֵנִי
פֶּן-יִטְרֹף כְּאַרְיֵה נַפְשִׁי; פֹּרֵק, וְאֵין מַצִּיל
יְהוָה אֱלֹהַי, אִם-עָשִׂיתִי זֹאת; אִם-יֶשׁ-עָוֶל בְּכַפָּי
אִם-גָּמַלְתִּי, שׁוֹלְמִי רָע; וָאֲחַלְּצָה צוֹרְרִי רֵיקָם
יִרַדֹּף אוֹיֵב נַפְשִׁי, וְיַשֵּׂג--וְיִרְמֹס לָאָרֶץ חַיָּי
וּכְבוֹדִי, לֶעָפָר יַשְׁכֵּן סֶלָה
קוּמָה יְהוָה, בְּאַפֶּךָ--הִנָּשֵׂא, בְּעַבְרוֹת צוֹרְרָי
וְעוּרָה אֵלַי, מִשְׁפָּט צִוִּיתָ
וַעֲדַת לְאֻמִּים, תְּסוֹבְבֶךָּ; וְעָלֶיהָ, לַמָּרוֹם שׁוּבָה
יְהוָה, יָדִין עַמִּים: שָׁפְטֵנִי יְהוָה; כְּצִדְקִי וּכְתֻמִּי עָלָי
יִגְמָר נָא רַע, רְשָׁעִים-- וּתְכוֹנֵן צַדִּיק
וּבֹחֵן לִבּוֹת, וּכְלָיוֹת-- אֱלֹהִים צַדִּיק
מָגִנִּי עַל-אֱלֹהִים; מוֹשִׁיעַ, יִשְׁרֵי-לֵב
אֱלֹהִים, שׁוֹפֵט צַדִּיק; וְאֵל, זֹעֵם בְּכָל-יוֹם
אִם-לֹא יָשׁוּב, חַרְבּוֹ יִלְטוֹשׁ; קַשְׁתּוֹ דָרַךְ, וַיְכוֹנְנֶהָ
וְלוֹ, הֵכִין כְּלֵי מָוֶת; חִצָּיו, לְדֹלְקִים יִפְעָל
הִנֵּה יְחַבֶּל-אָוֶן; וְהָרָה עָמָל, וְיָלַד שָׁקֶר
בּוֹר כָּרָה, וַיַּחְפְּרֵהוּ; וַיִּפֹּל, בְּשַׁחַת יִפְעָל
יָשׁוּב עֲמָלוֹ בְרֹאשׁוֹ; וְעַל קָדְקֳדוֹ, חֲמָסוֹ יֵרֵד
אוֹדֶה יְהוָה כְּצִדְקוֹ; וַאֲזַמְּרָה, שֵׁם-יְהוָה עֶלְיוֹן

Shiggayón, l’Davíd:
’ashér-shar l’Adonáy – ‘al-divréy-Khush, Ben-y’miní.
’Adonáy ’Eloháy, b’kha chasíti; hoshi‘éni mikkól-rod’fáy, v’hatziléni.
Pen-yitróf k’aryéh nafshí; poréq, v’eyn matzíl.
’Adonáy ’Eloháy, ’im-‘asíti zot; ’im-yesh-‘ável b’khappáy.
’Im-gamál’ti, shol’mí ra‘; va’achal’tzáh tzor’rí reyqám.
Yiraddóf ’oyév nafshí, v’yaség – v’yir’mós la’áretz chayyáy;
Ukhvodí, le‘afár yash’kén sélah.
Qumáh ’Adonáy, b’appékha – hinnasé’, b‘avrót tzor’ráy;
v‘úrah ’eláy, mishpát tzivvíta.
Va‘adát l’ummím, t’sov’vékha; v‘aléyha, lammaróm shúvah.
’Adonáy, yadín ‘ammím: shaf’téni ’Adonáy; k’tzid’qí ukhtummí ‘aláy.
Yigdár na’ rá‘, r’sha‘ím – ut’khonén tzaddíq;
uvochén libbót, ukh’layót – ’Elohím tzaddíq.
Maginní ‘al-’Elohím; moshía‘, yish’réy-lev.
’Elohím, shofét tzaddíq; v’El, zo‘ém b’khol-yóm.
’Im-lo’ yashúv, char’bó yil’tósh; qash’tó darákh, vay’khon’néha.
V’lo, hekhín k’ley mávet; chitzáv, l’dol’qím yif‘ál.
Hinnéh y’chabbél-’áven; v’haráh ‘amál, v’yálad sháqer.
Bor karáh, vayyachp’réhu; vayyippól, b’sháchat yif‘ál.
Yashúv ‘amaló v’roshó; v‘al qad’qadó, chamasó yeréd.
’Odéh ’Adonáy k’tzid’qó; va’azamm’ráh, shem-’Adonáy ‘Elyón.

Next… Mizmor Chet